Ofisina CMC

Informashon di ofisina CMC
Aktualmente dos dòkter di kas trahando na e ofisina di dòkter CMC, es ta dòkter C.E.J. van der Post i dòkter L.J. Lukkes. Tur e dos dòkternan di kas aki ta registrá den e registro di BIG.

Na e ofisina di dòkter aki tin tres asistènt: Tamara, Crusita i Sigmairis. Serka nan bo por bai pa traha òf kambia un sita, pero tambe pa pidi ripitishon di resèpt. Ademas nos asistèntnan ta di trein pa ehersé algun tratamentu médiko, por ehèmpel kue preshon di sanger i/o kontrolá nivel di suku, hasi tèst di urina, inkluso tèst di embaraso, spùit orea ku ta verstòp, tratamentu di herida i pone verbant, hasi kardiografia (ECG) i duna asistensia durante intervenshonnan kirúrgiko chikitu.

Na e ofisina di dòkter aki no ta posibel pa akudí pa konsulta sin traha sita delantá. Bo por traha un sita telefónikamente òf na bali. Chek e orarionan bou di kontakto.

Resèpt
Via e asistènt bo por pidi ripitishon di resèpt. Esaki bo por hasi telefónikamente òf via di e buzon pa reseta ku tin den e sala di espera. Kòrda menshoná e siguiente informashon korektamente riba e petishon di resèpt

Inisial(nan) i fam
Fecha di nasementu
E tipo di remedi  ku bo ta rekerí
Na momentu ku bo hasi petishon promé ku 2'or, bo por pasa buska e resèpt riba e mesun dia entre 5'or i 5:15. Si hasi e petishon despues di 2'or bo por pasa buska e resèpt e siguiente dia serka e asistènt.

Habitantenan biba temporalmente i turistanan
Habitantenan temporal i turistanan tambe ta bon biní na nos ofisina di dòkter. Na momentu ku bo bini pa promé biaha, nos lo pidi bo un identifikashon. Pa motibu ku bo no ta inskribí komo habitante, bo tin ku paga e gastunan di e konsulta serka e asistènt na final di e konsulta. Den kaso ku bo ta bai keda pa un periodo mas largu na Boneiru, pero bo no ta inskribí, bo ta paga un tarifa redusí.

Bo por deklará e gastunan di e konsulta na e kompania di seguro médiko, kaminda bo ta afiliá, dor di mustra nan e faktura. Na momentu ku bo wòrdu detashá for di Hulanda i bo ta sigurá via Unive nos ta deklará e gastunan di bo konsulta. Loke si nos ta pidi ta un prueba di e seguro.